Muqdisho,(insidesomalia.org)- Madaxweynaha Dawladda Faderaalka KMG ah ee Soomaaliya Cabdullaahi Yuusuf Axmed Raysal Wasaarihiisa Nuur Xasan Xuseen ayaa ka dhoofaya Magaalada Muqdisho ee Caasumada Dalka Soomaaliya ,ayagoo ku sii jeeda Magaalada Addis Ababa ee Dalka Itoobiya.

Madaxda Dawladda Soomaaliya ayaa casumaad ka helay Madaxda Dalka Itoobiya, gaar ahaana Raysalwasaaraha Dalka Itoobiya Meles Zanewi oo ay ka wada hadlayaan xaaladaha Siyaasadeed ee Dalka Soomaaliya iyo iskaashiga labada wadan.

Ciidamada Dawladda Kuwa Midowga Africa ayaa xirey inta badan wadooyinka soo gala Garoonka Diyaaradaha ee Magaalada Muqdisho ee Caasumada Soomaaliya ,waxaana lasheegayaa in ay goor dhaw soo dagtay diyaaradii qaadi lahayd Madaxda Dawladda.

Safarkan Madaxda Dawladda Soomaaliya ee ku sii jeeda Magaalada Addis Ababa ayaa ku soo beegmaya xili ay maalmihii ugu dambeeyey ay soo baxayeen warar sheegaya in uu faraha ka sii baxayo khilaafka Madaxda sarre ee Dawladda ayna dhawaan fashilmeen wada hadalo laga dhex wadey Madaxweynaha iyo Ra,isal Wasaare Nuur Cadde.